КК Кожув Гевгелија го официјализира ангажманот на Тери Армстронг, американскиот бек/крило кој пристигнува во црвено-белиот дрес за сезоната 2026/27, соопштија денеска од клубот.
Армстронг својата професионална кариера ја започнува во South East Melbourne Phoenix во Австралија, а потоа настапува за KK Rogaška од Словенија, KK Mladost Zemun и KK Metalac Valjevo од Србија, Stella Artois Leuven Bears од Белгија, Toros del Valle од Колумбија и KK Маџари Македонија.
Во сезоната 2025/26 со КК Маџари, Армстронг имаше одлична сезона со просек од 18,5 поени, 5,2 скока, 4,6 асистенции и 1,9 украдени топки по натпревар.
Неговите настапи во изминатата сезона му донесоа и признанија за Играч на годината, Најдобар дефанзивец, Најдобар странски играч и Најдобар бек во македонската Суперлига.
Со својата атлетичност, разноврсност и искуство, Армстронг ќе биде значајно засилување за составот на Кожув во новата сезона.
