Ракометниот клуб Алкалоид официјално ги промовираше Словенците Матиц Сухолежник и Нејц Цехте, како и Црногорецот Вуко Борозан за нови играчи на клубот.
Матиц Сухолежник е 31 годишен пивот висок 202 сантиметри и во РК Алкалоид доаѓа од екипата на РД Слован. Во својата кариера има настапувано и за екипите на РК Целје, Данкерк и Саран од Франција, Бенфика од Португалија и за хрватскиот првак РК Загреб.
Нејц Цехте (33) е десен бек кој минатата сезона ја заврши кај финалистот на Лигата на шампионите, екипата на Фуксе Берлин од Германија. Претходно има настапувано и за екипите на Кршко и Горење Велење, за германскиот Хановер, данската екипа ГОГ и за РК Еурофарм Пелистер.
Црногорскиот лев бек Вуко Борозан (32) е добро познат ракометар кој има настапувано за повеќе екипи од во Европа, Блискиот исток и Македонија. Висок е 203 сантиметри и одлично ја познава македонската Суперлига, стои во соопштението на клубот.
