Капитенот на Хрватска, Лука Модриќ, тешко го прими испаѓањето на својата репрезентација од Светското првенство, но нагласи дека тој и неговите соиграчи немаат од што да се срамат по нивниот настап против Португалија.
„Го напуштаме турнирот со кренати глави поради начинот на кој игравме, особено во второто полувреме. Заслужувавме повеќе, но денес едноставно не требаше да се случи“, рече Модриќ.
Ветеранот наговести дека е изненаден од некои судиски одлуки, без да навлегува во детали.
„Работите не одеа по наша волја, а некои од ситуациите… мислам дека ако одеа на друг начин, не знам дали ќе беа пресудени на ист начин. Но, што и да е. Одиме напред, не можеме да го вратиме времето“, рече тој.
По натпреварот, Модриќ беше прашан и за неговата иднина: „Сега не е време да зборуваме за тоа.“
