Ракометниот клуб Вардар 1961 на домашен терен во Скопје оствари голем триумф над Бенфика со 33:27 во дуел од Европската лига на ЕХФ.
Со победата, „црвено-црните“ обезбедија место меѓу најдобрите 16 во ова натпреварување и сигурно второ место во групата поради подобра гол разлика. Македонскиот тим одигра одличен натпревар и на крајот заслужено дојде до победата.
Малус постигна девет погодоци, додека со осум го следеше Воркапиќ.
Следниот вторник на гости кај Мелсунген, македонскиот тим ќе игра за првото место во групата, кое ќе му донесе директен пласман во четвртфиналето на второто по квалитет европско ракометно натпреварување.
