Претседателот на Наполи, Аурелио Де Лаурентис, откри дека имал понуда од инвеститори од Саудиска Арабија која, според него, достигнала дури 3,5 милијарди евра. Гостувајќи на локално радио, Де Лаурентис рече дека сепак ја одбил понудата.
„Арапите сакаа да ми понудат 3,5 милијарди евра, но јас не сакав да се пензионирам“, рече Де Лаурентис.
„Сè уште знам како да снимам филм, а фудбалот, кој не знаев како да го правам, научив да го управувам и покрај бројните тешкотии“, рече претседателот на Наполи.
Де Лаурентис истакна дека ја добил понудата пред една година, по што следеле прелиминарни разговори со правни тимови, но од тоа никогаш не произлегло ништо посериозно.
„Побарав гаранции дека бизнисот што го градиме 22 години ќе продолжи. Имав обврска кон навивачите на Наполи, кои се насекаде низ светот“, објасни Де Лаурентис.
