Диего Симеоне е синоним за Атлетико Мадрид со години, но неговиот живот надвор од теренот покажува сосема поинаква димензија. Додека тој бара резултати на теренот и постојано го прилагодува тимот, надвор од фудбалот неговиот фокус е на стабилен и долгорочен бизнис – недвижности.
Заедно со својата сопруга Карла Переира, тој изгради импресивно портфолио кое вклучува дури 180 станови и седум станбени згради во Мадрид.
Повеќето од недвижностите се наоѓаат на атрактивни локации во шпанската престолнина и се користат за изнајмување – на туристи, бизнисмени и студенти.
Станува збор за модел кој е релативно едноставен, но многу ефикасен: купување станови на добри локации, нивно реновирање, а потоа нивно пласирање на пазарот за изнајмување. Неговата сопруга игра клучна улога во целата приказна, која раководи со голем дел од бизнисот и ги управува проектите.
Еден од најголемите проекти се наоѓа во областа Трес Кантос, каде што Симеоне и Переира имаат две згради со дури 140 станови.
Ваквите проекти покажуваат дека не станува збор за спорадични инвестиции, туку за сериозно структуриран бизнис кој се развива со години.
Проценките велат дека вкупната вредност на нивните средства достигнува десетици милиони евра, што го става овој проект на ниво на помали инвестициски фондови.
Симеоне е еден од најдолгогодишните и најпрепознатливите тренери во европскиот фудбал, а неговата плата од околу 20 милиони евра по сезона изгледа како „џепарлак“ во овој контекст…
