Извонреден почеток на сезоната и комплетирање на „кариерен Гренд слем“ во Мелбурн, титула во Доха, а потоа – два порази на Мастерсите за Карлос Алкараз.
Во Индијан Велс, Данил Медведев беше подобар во полуфиналето, а во Мајами, Корда во третото коло.
„Нема да се грижиме за два пораза. Тоа нема смисла. Тој доаѓа по освојувањето на Австралија Опен, има седум Гренд слем титули и е број еден во светот… што сега, дали треба да ги добие сите натпревари за една година? Тоа нема да се случи“, рече Надал и додаде:
„Тој носи во шпанскиот спорт количина на успех што пред дваесет или триесет години беше тешко да се замисли. Не можете да побарате повеќе од она што тој веќе го дава.“, кажа освојувачот на 22 гренд слем титули и додаде:
„Без оглед на вашиот успех или формата во која се наоѓате, секој има право на ден кога е фрустриран или уморен. Тоа е сосема нормално. Сите можеме да имаме ден кога работите не одат добро или кога сме поуморни од вообичаеното. Тоа е апсолутно за почит и, од перспектива на друг спортист, уште поразбирливо“, заклучи Надал.
