📽️Синер негира дека сменил тактика: „Не ја намалувам должината на поените“

Светскиот рекет бр.2, Јаник Синер вели дека не работел на тоа да ги „крати“ поените, но се обидува да биде поагресивен. Синер лесно го победи Денис Шаповалов со 6-3, 6-2 во третото коло на Индијан Велс.

„Не работевме конкретно на намалување на должината на поените. Мислам дека генерално работевме многу на интензитетот и негово одржување на високо ниво долго време. Се обидувам да бидам малку поагресивен. Тоа значи дека може да има уште неколку грешки, но важно е да се биде доволно самоуверен во клучните моменти“, рече Синер, додавајќи: „Денес бев многу стабилен во поените во еден момент и така направив брејк, па се обидувам да најдам добра рамнотежа.“

Синер загуби од Ѓоковиќ во полуфиналето на Австралија Опен, а од Меншчик во четвртфиналето во Доха.

Италијанецот истакнува дека во Индијан Велс има впечатлива разлика помеѓу дневните и вечерните натпревари.

„Секој има сосема различен ритам на адаптација, но мислам дека постои голема разлика помеѓу топлото и ладното време, особено помеѓу играњето преку ден и ноќе. Претпочитам да играм преку ден, но против некои играчи е подобро да се игра ноќе, па зависи од тоа против кого играте“, вели Синер и објаснува: „Кога е топло, топката дефинитивно отскокнува повеќе. Мислам дека отскокнувањето на топката е поживо тогаш. Затоа сум дефинитивно задоволен денес“.

Јаник Синер ќе се соочи со Бразилецот Жоао Фонсека во осминафиналето на Мастерс турнирот.