Шефот на тимот на Астон Мартин, Мајк Крејк, изрази увереност дека двократниот светски шампион Фернандо Алонсо ќе остане со британскиот тим по сезоната 2026.
Неговите коментари доаѓаат во време на шпекулации дека Шпанецот е во преговори со Алпин. Сепак, Крејк инсистира дека Алонсо нема намера да го напушти Силверстоун и ќе остане со Астон Мартин и покрај тековните проблеми на тимот со Хонда.
„Ако се осврнете наназад една или две сезони, јасно ставивме до знаење дека тој е тука за да остане. Фернандо ќе донесе одлука околу летната пауза и ние сме задоволни од нашите возачи.
Тие се во ова заедно со нас и им оддаваме признание за начинот на кој се однесуваат. Многу пати сме рекле дека возачите се оние кои се најмногу погодени од нашите проблеми на патеката. Начинот на кој се однесуваат, капа долу за тоа.
Верувам дека ќе продолжиме да работиме заедно. Фернандо не треба да се откажува, тој е премногу брз“, рече Крак пред викендот на Големата награда на Австрија.
