Фабио Ди Џанантонио постигна договор со KTM и ќе се придружи на фабричкиот тим на австрискиот производител во MotoGP за почетокот на 2027 година, известуваат водечките медиуми.
Сегашниот возач на VR46 Ducati им даде рок на Ducati и VR46 до минатиот петок да му понудат нов договор што ќе ги задоволи неговите финансиски потреби. Сепак, Ducati и VR46 побараа одложување, што го натера Ди Џанантонио да ја прифати понудата на KTM и да стане тимски колега на Алекс Маркез. Двајцата веќе соработуваа во 2023 година во тимот Гресини, по што Италијанецот се пресели во поставата на VR46.
Главната желба на Ди Џанантонио беше да добие фабрички статус и да ја зголеми својата годишна плата на околу 2 милиони евра. Овие барања беа исполнети од KTM, а договорот меѓу двете страни беше потпишан во сабота навечер.
Одлуката на Ди Џанантонио да се раздели со VR46 Ducati ја отвора вратата за ѕвездата на Дукати во Супербајк, Николо Булега, да стане стартер во MotoGP. Италијанецот првично не беше разгледуван од Дукати за сезоната 2027, но стартната позиција во тимот на Валентино Роси веројатно ќе биде негова.
Привлекувањето на Ди Џанантонио во поставата на КТМ доаѓа на сметка на Маверик Вињалес, за кого се очекуваше да биде промовиран од сателитскиот тим Tech3 во фабричката постава на Австријците за сезоната 2027. Сепак, продолженото отсуство на Шпанецот, кој продолжува да се опоравува од повредата што ја доби минатото лето, ги натера шефовите на КТМ да го преиспитаат својот избор и да го привлечат Ди Џанантонио, кој е најбрзиот и најдоследен возач на Дукати од почетокот на годината.
