📽️ Гасли: Не бев мотивиран од тоа што ми го одзедоа подиумот во Монако

Возачот на Алпин, Пјер Гасли, вели дека одлуката на Апелациониот суд на ФИА да му го одземе подиумот од Гран При на Монако не му послужила како дополнителен поттик за неговата пол-позиција во Италија.

Нешто повеќе од 24 часа откако дозна дека го губи третото место во Кнежевството, Гасли ја освои шокантната прва пол-позиција во својата кариера во Формула 1 во Монца.

Французинот го победи Џорџ Расел од Мерцедес за само 0,060 секунди, што предизвика прашања за тоа дали одлуката на судот му дала „малку дополнителна мотивација“.

A special welcome for your polesitter 👏

Grazie mille @scuderiaferrari 🫶 pic.twitter.com/DlNSoP3NAc

— BWT Alpine Formula One Team (@AlpineF1Team) September 6, 2026

„Не мислам дека можам да кажам многу за тоа. Се што можам да кажам е дека не е пријатна ситуација, не е идеална“, рече Гасли.

„Очигледно се обидувам да искористам сè што можам за да ја претворам во нешто позитивно и дополнителна мотивација, но мислам дека можев да се снајдам и без тоа овој викенд. Да, тоа е сè што ќе кажам“, додаде Французинот.