На денешната прес-конференцијата пред домашниот натпревар против Македонија, селекторот на швајцарската репрезентација, Мурат Јакин го изрази своето задоволство од досегашните настапи на тимот. Тој беше особено задоволен од тоа како младите играчи се интегрирани во репрезентацијата.
„Одлично е да се види дека можеме да ги поставиме младите играчи на теренот. Тие сè уште не се под голем притисок. Можеби ќе беше поинаку ако бевме во Лига А.“, изјави тој
Швајцарската репрезентација е решена да се врати во Лига А. Промоцијата сега се чини дека е само формалност. За да го запечатат тоа уште утре, потребна им е победа против Македонија и нерешено во другиот натпревар помеѓу Шкотска и Словенија. Во спротивно, Швајцарија ќе има уште две шанси во ноември (на гости против Словенија и дома против Шкотска) за да го обезбеди првото место.
„На вистинскиот пат сме. Секако, сакаме да се вратиме на големата сцена“, вели Јакин. „Нашите играчи се навикнати да играат на врвно ниво“.
Веднаш по победата над Словенија, Јакин веќе објави дека планира да направи неколку промени за утрешниот меч. Тој рече дека сè уште не одлучил точно какви промени ќе направи. Селекторот на репрезентацијата рече дека сака да почека и да види како ќе помине последниот тренинг. „Но, дефинитивно ќе има три или четири промени“.
Јакин и швајцарскиот тим немаат намера да го сфатат лесно натпреварот, иако македонската репрезентација немаше шанси во првиот натпревар во Скопје, кој Швајцарија го доби убедливо со 3-0.
„Нашата ситуација е многу поволна, но сепак треба да истуркаме до крај.“, вели тој.
