Промена во распределбата на силите во Формула 1 може да се случи за Големата награда на Канада во Монтреал, а не во Мајами на почетокот на мај. Ова е прогнозата на возачот на Мерцедес, Џорџ Расел.
„Како што знаете, нашиот тим сега е во силна позиција. Обично тимовите ги прават првите сериозни промени и подобрувања на автомобилите во Мајами, но оваа сезона, поради промените во календарот, тоа ќе се случи во Монтреал – објасни Британецот. „Можеби во Канада ќе видиме промена во распределбата на силите“.
„Можно е некој од тимовите да ја намали разликата со нас. Но, имаме и нови работи за Канада. Благодарение на новите правила, трките станаа поинтересни, но и многу комплицирани за возачите. Мислам дека ФИА вложи сериозни напори за поедноставување на прописите, но се надевам дека по промените ќе останеме на врвот. Додека сме на врвот, ништо друго не ме интересира.“, додаде Британецот.
