Макс Верстапен ги пропушти квалификациите за утрешната спринт трка во Кина и ќе стартува само осми во кратката трка на патеката во Шангај.
Четирикратниот светски шампион заврши 1,734 секунди зад победникот во квалификациите Џорџ Расел, по што сериозно се пожали на однесувањето на RB21. Главната причина за коментарот од Холанѓанецот беше недостатокот на тракцијата и брзината во кривините, што, според неговите зборови, води до други проблеми.
„Целиот ден беше катастрофа во однос на темпото. Без тракција. Честопати, мислам дека тоа беше најголемиот проблем. Без тракција, без рамнотежа, едноставно губиме многу време во кривините.
Тука почнуваат другите проблеми. Но, нашиот најголем проблем во моментов е вртењето. Во моментов немам поим што можеме да направиме, но ќе видиме, ќе видиме“, рече Верстапен.
