Шампионот во тешка категорија на UFC, Том Аспинал, се враќа во октагонот. Англичанецот ги вкрсти ракавиците со Сирил Гејн во главниот настан на UFC 321 кон крајот на октомври минатата година.
Сепак, наместо спектакл – се случи големо разочарување. На крајот од првата рунда, францускиот предизвикувач ги забоде прстите во очите на шампионот во тешка категорија и го повреди, а епилогот беше „no contest“.
Британскиот тешкаш беше опериран кратко потоа и ситуацијата не изгледаше добро, но се чини дека повредите се санирани и дека наскоро би можеле да го видиме Аспинал во акција.
„Назад на работа“ – напиша шампионот на UFC во својата најнова објава на Инстаграм, со што го најави своето враќање во акција, имено прво на целосниот процес на тренирање, а потоа и во самиот октагон.
