Легендарниот актер и мајстор на боречки вештини Чак Норис почина денес на 86-годишна возраст на Хаваи.
Во објава на својот Инстаграм профил, семејството на легендарниот Норис изјави:
„Со тешко срце нашето семејство ја споделува веста за ненадејната смрт на нашиот сакан Чак Норис вчера наутро. Иако сакаме околностите да ги задржиме во тајност, ве молиме знајте дека тој беше опкружен со семејство и во мир.“
Кратко по објавата, ММА борците почнаа да објавуваат на социјалните мрежи за да му оддадат почит на легендарниот актер.
Поранешниот UFC борец, Мет Браун, кој се пензионираше во 2024 година, објави емотивна порака.
„Слушнав дека Чак бил разочаран од учителите на боречки вештини на небото, па затоа решил дека е време да оди таму и да им покаже како се прави тоа. Почивај во мир легендо“, напиша Браун.
Друг борец, Бо Никал, кој вообичаено се бори во средна категорија, и посака на „СМРТТА“ среќа во средбата со Чак Норис.
Поранешниот шампион во полутешка категорија, Полјакот Јан Блахович, напиша дека Норис бил негов херој од детството.
„Мојот херој засекогаш. Секогаш ќе те почитувам таков.“
Друг голем ММА, Стивен Вондербој Томпсон, му оддаде почит на актерот.
„Не можам да верувам. Ми помогна да се занимавам со боречки вештини како дете. Засекогаш ќе ни недостигаш“, рече тој.
