Принцезата Ингрид Александра, идната кралица на Норвешка, ја посети норвешката фудбалска репрезентација во соблекувалната откако го елиминираа Бразил од Светското првенство и се пласираа во четвртфиналето.
Норвежаните победија со 2-1 со двата гола на Ерлинг Халанд. Напаѓачот ја поздрави принцезата без маица и се ракуваше со неа, ја прегрна и размени неколку шеги.
Princess Ingrid Alexandra, who will be Queen of Norway in the future meets with Erling Haaland after Norway’s win vs Brazil. 🇳🇴 pic.twitter.com/kFMGDkQLvT
— World Cup HQ (@WorldCup26HQ) July 6, 2026
Принцезата Ингрид Александра беше придружувана од нејзиниот брат, принцот Свере Магнус. Тие се деца на престолонаследникот Хакун и неговата сопруга Мете Марит. Ингрид е наследничка на тронот во Норвешка.
Како и во Велика Британија, кралот нема улога во донесувањето важни државни одлуки, туку само церемонијална.
Принцезата дојде во САД со својот брат како претставник на нејзиното семејство бидејќи нејзината мајка имаше тешка операција на белите дробови.
Норвешка ќе игра против Англија во четвртфиналето на Светското првенство.
