Легендарниот возач на Формула 1 и сегашен ТВ консултант, Дејвид Култхард, очигледно решил да се збогува со титулата „ерген“ на најбурниот можен начин. Шкотскиот ас (55) бил виден како се тетеравеше низ улиците на шпанското одморалиште Пуерто Банус во раните утрински часови, додека неговите пријатели буквално го држеле за да не заврши на тротоар.
EXCLUSIVE: F1 legend David Coulthard propped up by pals after leaving bar at 1am https://t.co/i60n0R4chK
— Sun Sport (@SunSport) June 1, 2026
Култхард, кој се подготвува да се ожени со шведската манекенка Сигрид Силверсанд (32), организираше момчешка забава која траеше неверојатни 13 часа. Тимот, во кој беа и сопругот на Аманда Холден, Крис Хјуз (52), како и легендарниот коментатор Мартин Брандл (67), создадоа вистински „хаос“ во Марбеља.
Сè започна со „загревање“ во луксузниот хотел „Хард Рок“, а забавата продолжи во елитниот „Оушн клуб“. Според очевидци, групата не штедела пари – потрошиле повеќе од 1.000 фунти само за кревет покрај базенот и приватен келнер.
Дејвид бил одлично расположен, се сликал со обожавателите и буквално не ја пуштал чашата. Во еден момент се лизнал и речиси паднал, но сето тоа му било неверојатно смешно – открил извор од местото на настанот.
F1 legend David Coulthard spotted walking hand-in-hand with two brunettes pic.twitter.com/E41hK3JTjA
— The Sun (@TheSun) June 1, 2026
По еден ден пиење шампањ и коктели, групата накратко се вратила во хотелот, а потоа продолжила кон познатиот бар „Ла Сала“. Додека Мартин Брандл „капитулирал“ и си легнал малку по полноќ, Култхард останал до самиот крај, а бил виден и како истовремено се држи за раце со две непознати девојки.
Околу еден часот по полноќ, поранешниот ас на Мекларен конечно тргнал кон хотелот, но му била потребна помош за да оди. Неговиот пријател Крис Хјуз морал да интервенира кај обезбедувањето, смеејќи се велејќи: „Во ред е, ќе го успијам“.
Култхард наскоро ќе ѝ се заколне на вечна љубов на својата 23-годишна избраничка Зигрид. Венчавката ќе се одржи во Монако, додека раскошна прослава е закажана за јули во неговата родна Шкотска. Судејќи според момчешката забава, свадбата ќе биде настанот на сезоната.
