Одличната изведба на крилниот напаѓач на француската репрезентација, Мајкл Олисе, на Светското првенство се најде во центарот на сериозен личен скандал. Се покажа дека неговата поранешна девојка Фатима Заунбрехер го прекинала молчењето и упатила сериозни обвинувања против него во весникот „Билд“.
Фатима споделила за новинарите дека била во врска со крилниот напаѓач на Баерн Минхен две години и дека со него има 20-месечна ќерка. Иако Олисе официјално го признал детето по тест за татковство, таа тврди дека францускиот интернационалец никогаш не го видел. Секој контакт бил само преку адвокати.
„Ужасно е колку некој може да биде невнимателен кон сопственото дете“, изјави за весникот 34-годишната жена, која работи во продавница за оптика во Диселдорф. Таа сака да се бори за да се осигури дека нејзината ќерка, Алија Нур, ќе го запознае својот татко – и дека тој ќе ѝ плаќа соодветна издршка.
🚨 @BILD berichtet: Michael Olise soll eine 20 Monate alte Tochter namens Aaliyah Noor haben. Die Mutter ist laut der Zeitung die 34-jährige Deutsche Fatima Zaunbrecher aus Düsseldorf.
Fatima erklärte, sie habe Olise 2022 über Instagram kennengelernt. Beide hätten rund zwei… pic.twitter.com/p2t6TxoxrA
— bayern_aktuell_ (@bayern_aktuell_) July 21, 2026
Според медиумските шпекулации, Мајкл Олисе заработува околу 14 милиони евра годишно во Баерн Минхен, каде што игра. Но, Фатима тврди дека неговите адвокати ѝ понудиле „апсурдна сума“. Фрустрирана од однесувањето на нејзиниот поранешен партнер, таа одби да молчи и одлучи јавно да ја открие приказната.
Дваесет и четири годишниот фудбалер, кој ѝ помогна на Франција да стигне до полуфиналето на Светското првенство во 2026 година, сè уште не ги коментирал обвинувањата на жената. Двајцата се запознале на Инстаграм, каде што тој ги лајкувал нејзините фотографии, ѝ пишувал порака, а таа одговарала. На почетокот одржувале врска на далечина, а потоа почнале да се забавуваат. Таа врска завршила кратко пред таа да дознае дека е бремена, тврди таа. И двајцата оттогаш немаат никаков контакт.
