Јунајтед ремизираше 1-1 на гостински терен против Лидс и нема победа во Премиер лигата пет кола. „Црвените Ѓаволи“ водеа на полувреме со голот на Мбеумо во 35-тата минута, но Калверт-Луин го совлада Сен Ламенс на почетокот на вториот дел и израмни.
Потоа двата тима имаа свои шанси, но резултатот остана 1-1. Јунајтед е само на 13-то место, со само седум бода.
Брајтон, пак, продолжи со своите феноменални настапи, откако го порази Кристал Палас на „Амекс“ со 5-0.
Канвот го отвори резултатот со автогол во 3-тата минута, а во 7-мата минута Гомес постигна гол од половина терен за 2-0. Во 10-тата минута, Ајари го зголеми резултатот на 3-0, а потоа паднаа уште два гола во мрежата на Палас.
Костулас постигна гол во 49-тата минута, а Хиншелвуд во 84-тата минута. Брајтон ќе биде барем на 2-то место на табелата додека Арсенал не го заврши својот натпревар.
Борнмут од друга страна беше сигурен против Сандерленд со 2-0, со головите на Таверние и Еванилсон.
