Францускиот играч од средниот ред, Рајан Черки, пo поразот на неговата репрезентација од Шпанија со 2-0 во полуфиналето на Светското првенство, призна дека недостатокот на силни противници до оваа фаза од турнирот можеби придонел за поразот.
„Дали фактот што немавме никакви навистина сериозни противници на турнирот нè спречи? Многу добро прашање. Можеби има вистина во тоа. Веројатно кога сè доаѓа премногу лесно, почнувате да мислите дека сте над останатите“, рече Черки.
„Од последната замена до стартерот, сите играме во најсилните лиги, но денес загубивме од самите себе“, продолжи играчот од средниот ред на Манчестер Сити.
„Разочарувањето е огромно. Сите тимови се плашеа од нас, но не стигнавме до финалето“, додаде Черки.
