Менаџерот на Англија, Томас Тухел, го откри својот план да ја неутрализира аргентинската ѕвезда Лионел Меси во претстојниот полуфинален натпревар на Светското првенство. Натпреварот ќе се одржи денес во 21 часот.
„Целосно сме свесни дека не можеме да го запреме 100% цело време. Тој е сосема различен играч од Ерлинг Халанд, но ние се снајдовме многу добро на наш начин против Ерлинг, па и сега ќе најдеме начин“, рече Тухел.
„Мислам дека ова ќе биде прв пат лично да се соочам со него како менаџер на тим. Едноставно е неверојатно како секогаш наоѓа излез од ситуациите, и тоа на толку многу различни начини. Тој наоѓа простори, ги наоѓа вистинските моменти и мислам дека клучот е што целиот тим ја дели таа идеја. Тие го поддржуваат, му помагаат и се подготвени да интервенира и да го промени текот на натпреварот. Секако дека ќе бидеме подготвени за тоа“, додаде германскиот стручњак.
„Можеме ли да се подготвиме, да најдеме рецепт и да се опседнеме со него? Не, но мора да бидеме храбри, мора да бидеме смели, треба да ја сопреме поддршката за Меси и да ги следиме сите движења што се случуваат кога тој ја има топката“, заклучи Тухел.
