🎥 Енрике го брани Сити: „Ги заслужија сите трофеи што ги освоија…“

Тренерот на Пари Сен Жермен, Луис Енрике, изјави дека Манчестер Сити не заслужил да му бидат одземени трофеите поради наводни финансиски неправилности, нагласувајќи дека тимот ги заслужил сите свои успеси на теренот.

„Има многу врева околу Манчестер Сити, но често има врева околу големите клубови. Само треба да почекаме и да видиме каква ќе биде конечната одлука. Се надевам дека сè ќе испадне добро за Манчестер Сити, бидејќи мислам дека она што го направија на теренот беше неверојатно во последните неколку години. И тие сигурно заслужија да ги освојат сите трофеи што ги освоија на теренот“, смета шпанскиот стручњак.

Никој, дури ни тој, не може да влезе во главата на судијата и да предвиди што ќе се случи во овој случај, но има право на свое мислење.

„Сега мора да почекаме да видиме што ќе одлучат властите или што ќе каже судијата. Властите се одговорни за донесување на овие одлуки. Но, зборувајќи само за фудбал, тие ги заслужија овие трофеи. Го сакам нивниот фудбал. Освен тоа, мора да почекаме на одлуката и се надевам дека ќе избегнат санкции“, смета Енрике.

Luis Enrique: "I hope it ends well for Man City because everything that was done on the field has been incredible. They deserved to win all the trophies they won." https://t.co/nb92jxgRRy

— Hayters TV (@HaytersTV) October 13, 2026