Само една недела пред почетокот на предсезонскиот тренинг камп на Милан, новиот тренер Рубен Аморим пристигна во Милано. На локалниот аеродром го пречекаа италијански новинари кои го прашаа што ја поттикнало неговата одлука да ги преземе „росонерите“.
„Ако погледнете едно мое старо интервју, реков дека ова е посебен клуб за мене. Тоа е исто така голем предизвик. По мојата последна работа (во Манчестер Јунајтед – н.з.), си реков дека треба да изберам полесни предизвици, но еве ме (се смее). Ова е уште поголем предизвик. Но, горд сум што сум тука, а сега сакам да работам со мојот персонал и моите играчи. Навистина сум среќен што сум тука. Дали пристигнувам со намера да победувам? Не можете да дојдете во Милано без овој менталитет. Имаме многу работа, но кога сте тренер на Милан, мора да играте за да победувате“, одговори Аморим, кој денес прво ја посети канцеларијата на клубот, а потоа и „Сан Сиро“.
