Барселона и Маркус Рашфорд се во преговори за потпишување долгорочен договор по истекот на позајмицата на играчот, објави италијанскиот новинар Фабрицио Романо.
Шпанскиот шампион постигна значителен напредок во разговорите со напаѓачот за нов договор. Манчестер Јунајтед, кој е сопственик на Рашфорд, бара целосна сума од откупната клаузула на Англичанецот, која е одредена на 30 милиони евра. Каталонците се надеваа дека ќе ги убедат „црвените ѓаволи“ да ја намалат цената, но сега прифатија дека ќе мора да ја платат таа сума ако го сакаат крилниот напаѓач трајно.
Позајмицата на 28-годишникот истекува во јуни. Англичанецот постигна 10 гола на 34 настапи за Каталонците во сите натпреварувања оваа сезона.
Според шпанските медиуми, самиот Англичанец се чувствува среќен во Барселона и нема желба да се врати во Манчестер Јунајтед.
