Со години, германската Бундеслига е најгледаната лига во Европа, и веројатно е дека ќе остане така дури и кога ќе заврши сезоната 2025/26.
Слика на ситуацијата со околу два и пол месеци до крајот на сезоната покажува дека натпреварите од германската прва лига досега ги гледале во просек 42.188 гледачи.
Како што се очекуваше (исто така со години), англиската Премиер лига е следна, со моментална посетеност од 41.553 гледачи по натпревар, по што следуваат шпанската Ла Лига и италијанската Серија А, кои се речиси изедначени – 30.908 наспроти 30.351.
Листата на ТОП 5 најгледани лиги на Стариот континент не ја комплетира француската Лига 1, која по квалитет тука и е местото, туку германски Цвајт. Посетеноста на стадионите од втората лига во Германија е повеќе од респектабилна – дури 28.324 гледачи по натпревар досега оваа сезона.
Дури потоа следат Французите со 27.180, потоа Холанѓаните (19.784), Шкотите (17.759), Турците (14.358), Русите (13.506), Полјаците (13.068), Швајцарците (12.002), Португалците (11.877), Белгијците (11.199), Швеѓаните (11.045)…
Што се однесува до регионот, „води“ Грција – 6.865, па следат Хрватска – 5.564, БиХ – 2.620, Бугарија – 2.072, Србија – 2.010, Словенија – 1.130.
