Челси официјално го објави трансферот на 18-годишниот дефанзивец Хонст Аханор од Аталанта, но со услов новиот италијански репрезентативец да се приклучи на клубот следното лето.
Пред тоа, Аханор ќе игра една сезона во Кристал Палас. Сепак, тој ќе биде префрлен во „орлите“ не од Челси, туку од Аталанта. Причината за ова е што „сините“ веќе го префрлија еден од своите играчи во Палас ова лето – Аксел Дисаси. Прописите на Премиер лигата забрануваат клуб да „испрати“ повеќе од еден од своите играчи во друг клуб во една сезона.
Според Фабрицио Романо, Челси ќе ѝ плати на Аталанта 40 милиони фунти за Аханор, кој во јуни запиша два натпревари за Италија, откако учествуваше во контролните натпревари со Луксембург и Грција.
Тој минатата сезона одигра 35 натпревари во сите натпреварувања за Аталанта, постигнувајќи еден гол. Тимот од Бергамо го привлече од Џенова минатото лето за 16 милиони евра плус 4 милиони евра бонуси.
