Фудбалерите на Тотенхем беа поразени во дебито на тренерот Роберто де Зерби на гостувањето кај Сандерленд со резултат 1:0 во натпреварот од 32-то коло од Премиер лигата и останаа во зоната за испаѓање со шест кола до крајот.
По поразот, Тотенхем остана на 18-то место со 30 бода, два помалку од градскиот ривал Вест Хем кој е прв над линијата. Норди Мукиеле постигна гол за Сандерленд во 61-та минута.
Нотингем Форест одигра 1:1 дома против Астон Вила и сега има три бода повеќе од Тотенхем. Муриљо постигна автогол во 23-та минута за водство на Астон Вила, Нико Вилијамс израмни во 38-та.
Во третиот натпревар од денешната програма во 15 часот, Кристал Палас го победи Њукасл дома по пресврт со 2-1.
