Спортскиот директор на Барселона, Деко, ги коментираше намерите на раководството на „Блауграна“ да потпише централен напаѓач за време на летниот преоден рок. Клубот се раздели со напаѓачите Феран Торес и Роберт Левандовски и бара нивни замени.
„Имаме двајца играчи кои си заминуваат – Феран и Роберт. Можеме да го замениме Феран со нови засилувања, но наоѓањето замена за Роберт е многу тешко. Дури и да најдете добар играч, сепак е комплицирано бидејќи тој беше клучна фигура во нашиот тим“, рече Деко.
„Имаме внатрешни одлуки, но сигурно ќе преземеме некои чекори на пазарот. Станува збор за наоѓање на најдоброто можно решение“, додаде поранешниот португалски репрезентативец.
Според последните информации, Барса е на пат да прифати дека нема да може да го потпише Хулијан Алварез и ќе се фокусира на Лаутаро Мартинез.
