Трансферот на Фоларин Балогун од Монако во Евертон е пред пропаѓање во последните часови од преодниот рок. Американскиот интернационалец беше на чекор од враќање во Премиер лигата за надомест од 50 милиони евра, но лекарските прегледи пред потпишувањето на договорот ги потресоа „карамелите“, кои веројатно ќе се откажат од голгетерот.
Според информациите од францускиот новинар Фабрис Хокинс, напаѓачот не ги поминал лекарските тестови во Евертон, што го става договорот во критична состојба. Медицинскиот персонал на тимот е дециден дека играчот не е 100% опоравен за игра. Кампот на Монако и околината на играчот се на спротивно мислење и инсистираат дека тој е целосно подготвен и нема здравствени проблеми. Сепак, се поверојатно е дека нема да има трансфер.
Со оглед на тоа што договорот е во опасност да пропадне, Евертон веднаш активираше резервна опција. Клубот воспостави итен контакт со Манчестер Јунајтед за холандскиот напаѓач Џошуа Зиркзе.
Фабрицио Романо потврди дека „карамелите“ веќе се во преговори со агентите на Зиркзе. Сепак, „црвените ѓаволи“ го имаат последниот збор. Јунајтед веќе одби неколку понуди од Италија за Зиркзе во последните 48 часа и сè уште не одлучи дали да го засили директниот ривал од Премиер лигата во последните минути од пазарот.
