Џенова официјално го објави потпишувањето на договорот со левото крило Стефан Ел Шарави, кој пристигнува како слободен агент во клубот со договор од 1+1 година.
Со тоа, искусниот играч се враќа во својот матичен клуб, за чиј прв тим има само три натпревари во периодот 2008 – 2010 година. Ел Шарави последен пат беше дел од Рома, каде што запиша вкупно 348 натпревари со 66 гола и 50 асистенции во два различни периоди. Тој играл и за Падова, Милан, Монако и Шангај Шенхуа. Покрај тоа, 33-годишникот има 32 натпревари со 7 гола и 4 асистенции за италијанската репрезентација.
STEPHAN ❤️
SIGNING DAY ✍️
Guarda il video completo su Youtube 👉 https://t.co/AW1XSGa9Sm pic.twitter.com/Nb0cNs6wyT
— Genoa CFC (@GenoaCFC) September 3, 2026
„Со Џенова ги доживеав моите први емоции и радости како професионалец, па повторното носење на овој дрес е како да се затвори кругот. Враќањето дома ме исполнува мене и моето семејство со гордост. Џенова е дел од нашата ДНК, а желбата да се бориме за овие бои и навивачи е мотивација што ја чувствувам многу силно. Форца, грифини“, сподели Ел Шарави за веб-страницата на клубот.
Спортскиот директор Диего Лопез, исто така, го изрази своето задоволство од потпишувањето на крилниот напаѓач.
„Навистина го сакавме Стефан, како што тој нè сакаше нас. Знаеме што значи тој за клубот, а Џенова значи за него. Среќни сме што го пречекуваме назад во клубот, бидејќи ќе растеме со него во однос на класата, искуството и идентитетот“, прокоментира тој.
