Тренерот на Пари Сен Жермен, Луис Енрике, не ги криеше своите емоции по спектакуларниот судир со Баерн Минхен во 1/2-финалето од Лигата на шампионите. Парижаните победија со 5:4, а стручњакот рече дека ова е најдобриот натпревар во неговата кариера како тренер.
„Беше неверојатно. Мислам дека ова беше најдобриот натпревар што некогаш сум го раководел како тренер. Имаше неверојатен ритам, обиди да се игра офанзивен фудбал, желба на играчите да ги покажат своите квалитети. Мислам дека сите се забавуваа гледајќи го натпреварот. Среќен сум затоа што победивме“, започна Луис Енрике.
„Uспеав да ја задржам смиреноста за првите два или три гола, но по четвртиот и петтиот… Беше грешка затоа што знаев дека можат повторно да постигнат гол, но морам да кажам дека беше неверојатен меч. Тренер сум повеќе од петнаесет години и морам да признаам дека тоа беше највозбудливото нешто што некогаш сум го доживеал“, додаде стручњакот.
„Три пати игравме против Компани со Баерн (Минхен) и знаевме дека со ова темпо ќе биде многу тешко да ги контролираме. Мислам дека на почетокот на натпреварот почнаа подобро од нас, но во второто полувреме бевме подобри од нив. И двата тима се обидуваа да ја развијат својата игра, што беше возбудливо. Беше убаво да се гледа“, додаде Шпанецот.
„Денес можевте да ги видите Мајкл Олисех, Хари Кејн, Џошуа Кимих, Павловиќ – сите, а ако го погледнете нашиот тим – Баркола, Жоао, Витиња, Дембеле и Кара – беше неверојатно. Важно е да покажеме дека ова е начинот на кој треба да се обидеме да играме фудбал. Во ред, како тренер не сте среќни кога ќе примите четири гола, но денес сум среќен затоа што победивме. Баерн (Минхен) загуби само три натпревари оваа сезона и следниот натпревар против нив ќе биде премногу тежок, исто како овој, и ние ќе се обидеме да го добиеме“, заклучи Луис Енрике.
