Фулам официјално објави дека се разделуваат со менаџерот на тимот, Марко Силва. Договорот на Португалецот истекува на крајот од овој месец, а тој веќе се договори со Бенфика да го наследи Жозе Мурињо на тренерската позиција на „орлите“. Лондончани се обидоа да го задржат Португалецот нудејќи му нов договор, но тој претпочиташе да се врати во татковината.
Силва му се придружи на Фулам во јули 2021 година од Евертон и го врати тимот во Премиер лигата во својата прва сезона, откако клубот испадна во Чемпионшип една година претходно. „Котиџерс“ завршија на 11-то место во елитата минатата сезона, со ист број бодови со Челси.
We can confirm that Marco Silva will leave his role as Head Coach at Fulham this summer.
It’s a position that Silva has held for five years – a spell which was laden with success.
— Fulham Football Club (@FulhamFC) June 2, 2026
„До нашите навивачи, од првиот ден ве замолив секогаш да бидете со нас. И токму тоа го направивте во последните пет години. Заедно постигнавме многу. Мојот тим и јас секогаш ја чувствувавме вашата поддршка. Никогаш нема да биде заборавено. Фулам секогаш ќе биде во моето срце и порано или подоцна ќе се вратам на „Крејвен Котиџ“, рече Силва.
🚨🦅 BREAKING: Marco Silva agrees to become new Benfica manager, here we go!
Silva leaves Fulham and signs contract until June 2028 plus option until 2029 at Benfica reducing salary to fight for titles.
Back to Portugal after 10 years, wanted by both Rui Costa and Mario Branco. pic.twitter.com/XyxdZ6py2q
— Fabrizio Romano (@FabrizioRomano) June 2, 2026
Според Фабрицио Романо, Силва веќе потпишал договор со Бенфика до јуни 2028 година со можност за продолжување на договорот за уште 12 месеци. Португалецот се согласил да прифати намалување на платата во споредба со Фулам, за да може да се натпреварува за трофеи со португалските гиганти.
