Бернардо Силва полека ги разгледува своите опции за тоа каде ќе ја продолжи кариерата, а Галатасарај се вмеша во трката за неговиот потпис.
Главен кандидат за доведување на Португалецот е Јувентус, меѓутоа, сега турскиот шампион влезе во приказната и се заканува да ги наруши плановите на Италијанците.
Според „Фанатик“, агентот на Силва ќе отпатува во Истанбул на состанок со челниците на Галатасарај и на маса ќе има многу попрофитабилна понуда од „Старата дама“.
Се додава и дека искусниот играч за врска чекал конкретен повик од Барселона, бидејќи бил заинтересиран да ја продолжи кариерата таму, но бидејќи тоа не се случило, и сè е само приказна, сега ќе избира помеѓу Јувентус и Галатасарај.
Турците му нудат да игра во Лигата на шампионите и многу интересен проект, предводен од Осимен, додека Италијанците сè уште не обезбедиле играње во најелитното клупско натпреварување.
