Шпанскиот фудбалер Маркос Љоренте донесе изненадувачка одлука и објави дека повеќе нема да игра за шпанската репрезентација. Фудбалерот на Атлетико Мадрид одлучи да ја заврши својата меѓународна кариера на 31 година, иако е свесен дека е сè уште доволно млад за да игра на највисоко ниво.
Љоренте објасни дека одлуката не е донесена преку ноќ, туку по многу размислување.
„Одлучив да го завршам моето време со шпанската репрезентација, иако сум свесен дека сум сè уште млад. Тоа е лична одлука за која размислував многу внимателно и, пред сè, одлука што доаѓа од срце“, рече Љоренте.
🚨 BREAKING: Marcos Llorente retires from international football at 31 years old. 👋🏼🇪🇸
“I’ve decided to bring my time with the Spanish national team to an end despite I’m aware that I’m still young”.
“It’s a personal decision, one I’ve thought about very carefully and, above… pic.twitter.com/EBFinUGkww
— Fabrizio Romano (@FabrizioRomano) September 3, 2026
Шпанскиот фудбалер, исто така, нагласи колку многу му значело да игра за својата земја.
„Беше чест да ја претставувам мојата земја“, додаде тој.
Љоренте со тоа го затвора репрезентативното поглавје од својата кариера на 31 година и во иднина ќе биде целосно посветен на клупскиот фудбал.
