Претседателот на Италијанската фудбалска федерација, Габриеле Гравина, и покрај поразот од Босна и Херцеговина во баражот за Светското првенство, го замоли селекторот Џенаро Гатузо да не поднесува оставка.
По поразот во Зеница, Гравина нагласи дека целата одговорност е кај него и дека одредени одлуки ќе бидат донесени во наредниот период.
„Го замолив Гатузо да остане селектор“, рече Гравина по натпреварот, а потоа продолжи со ист тон.
„Ја преземам целата одговорност, побарав одборот на директори на федерацијата да се состане следната недела. Ќе бидат направени детални проценки што ќе се однесуваат и на целиот италијански фудбалски систем, бидејќи е очигледно дека доживуваме голема криза. За жал, се верува дека Федерацијата може да одлучи, да избере како да се формира тимот, но еве, многу широко размислување што треба да се направи и ние ќе се фокусираме на тоа следната недела“, рече Гравина по болниот пораз од Босна и Херцеговина.
Италијанците нема да учествуваат на трето Светско првенство по ред, по Русија и Катар, а сега нема да бидат ниту во Канада, каде што е предвидено да се игра групата, во која ќе игра репрезентацијата на БиХ.
Тешки денови го очекуваат италијанскиот фудбал, а на претседателот на федерацијата е да донесе одредени одлуки.
