Српскиот спорт доживеа голем срам бидејќи хакери пристапиле до база на податоци со податоци од дури 11.400 спортисти од нашиот северен сосед. Тие сакале да го наплатат своето „дело“, па дури и да ги продадат податоците на други, пишува BBC на српски јазик.
На почетокот на април, до Фудбалската федерација на Србија (ФСС) бил испратен е-мејл од непозната адреса со закана дека сите податоци ќе бидат објавени доколку хакерите не добијат пари. Тие не добиле одговор, па сакале да ги продадат на другата страна.
Повеќе од еден месец подоцна, базата на податоци била објавена на форум на таканаречената „темна мрежа“, до која не можат да пристапат класичните интернет прелистувачи. Темната мрежа служи како платформа за криминални активности: продажба на дрога, оружје или украдени податоци – ја користат активисти и луѓе во авторитарни режими каде што има цензура, пишува BBC.
На еден таков форум тие објавија закани, и таму завршија личните податоци на повеќе од 11.000 луѓе од Србија и од целиот свет, вклучувајќи ги фудбалерите Александар Митровиќ, Душан Тадиќ, поранешниот тренер на „орлите“ Драган Стојковиќ Пикси, кошаркарите Богдан Богдановиќ, Василије Мициќ…
Заедничко им е што со години престојувале во хотелот „Србија Лукс“ во рамките на спортскиот центар на Фудбалската федерација, во Стара Пазова, на околу 40 километри од Белград.
Случајот беше пријавен во полицијата, обвинителството и ИТ компанијата што го купила софтверот, а еден човек бил уапсен кон крајот на август.
ФСС тогаш изјави дека се преземени сите мерки за заштита на оние кои се нашле компромитирани на секој можен начин.
„Податоците беа „хакнати“ од некаде на друго место“, споделија тие во писмена изјава, додавајќи дека серверите на ФСС или Спортскиот центар не биле нападнати.
Тие тврдат дека ги известиле надлежните институции, но нема да можат да разговараат за деталите додека не заврши истрагата.
