Фудбалерите на Интер го победија Наполи во драматично дерби на домашен терен со 3:2, во третото коло од Серија А. Интересно е што сите пет гола беа видени во второто полувреме.
Наполи постигна два гола за само три минути – Матео Политано во 50-тата минута, а Хојлунд со одличен удар од работ на шеснаесетникот донесе, како што изгледаше, голема предност за гостите.
Лаутаро Мартинез ја врати неизвесноста во 56-тата минута, а потоа следеа жестоки напади на Интер.
NOI 🖤💙 pic.twitter.com/vq9DCKVtHP
— Inter ⭐⭐ (@Inter) September 5, 2026
Наградата дојде во 82-та минута кога Турам со глава го погоди голот и го израмни резултатот на 2:2. Во следните неколку минути, двете страни пропуштија добри шанси, а потоа натпреварот беше решен во првата минута од судиското продолжение. Мартинез испрати удар од неколку метри под пречката за конечни 3:2.
Интер е прв на табелата со девет бода, додека Наполи е на 13-то место со три бода.
Во следното коло, Интер ќе го пречека Удинезе, додека Наполи ќе биде домаќин на Болоња.
