Ипсвич официјално се врати во Премиер лигата по само една сезона во Чемпионшип. Ова стана факт откако „тракторите“ го победија Квинс Парк Ренџерс со 3-0 на „Портман Роуд“ во последното коло од регуларната сезона.
Со овој успех, Ипсвич го обезбеди второто место во конечниот пласман со 84 бода – еден повеќе од Милвол. Далеку напред со 95 бода е Ковентри, кој си загарантира директна промоција на 17 април, а неколку дена подоцна ја освои титулата во Чемпионшип. Денес, тимот на Френк Лампард го победи Вотфорд со 4-0 како гостин.
Милвол, кој имаше шанса за второто место доколку Ипсвич изгубеше, остана трет, иако денес си ја завршија работата и го победија Оксфорд Јунајтед. Така, „лавовите“ ќе мора да поминат низ плејофот за да стигнат до Премиер лигата. Четврти и петти се Саутемптон и Мидлсбро, соодветно.
Вистинска драма се одвиваше во борбата за последното место, давајќи право на учество во плејофот. Рексам, Хал Сити и Дерби Каунти се бореа за него.
Велшкиот тим, во сопственост на Рајан Рејнолдс и Роб МекЕлхени, во еден момент беше шести, како што беше пред почетокот на колото, но потоа беше истиснат од Дерби Каунти. На крајот, сепак, „овните“ го загубија водството и дозволија целосен пресврт дома против Шефилд Јунајтед, што ги остави на осмата позиција.
Во меѓувреме, Рексам одигра 2:2 со Мидлсбро, а Хал Сити успеа да победи против Норич со 2:1 и со тоа „тигрите“ ја зазедоа посакуваната шеста позиција.
