Селекторот на Франција, Дидие Дешан, го објави својот конечен состав за претстојното Светско првенство, кое ќе се одржи во Канада, САД и Мексико во јуни и јули.
Конечниот список на „триколорите“ ги вклучува:
ГОЛМАНИ: Мајк Мањан (Милан), Брајс Самба (Рен), Рајзер (Ленс)
ОДБРАНА: Вилијам Салиба (Арсенал), Ибрахима Конате (Ливерпул), Дајот Упамекано (Баерн), Лука Ернандез (Пари Сен Жермен), Жил Кунде (Барселона), Мало Густо (Челси), Лука Дињ (Астон Вила), Тео Ернандез (Ал-Хилал), Максенс Лакроа (Кристал Палас)
СРЕДЕН РЕД: Н’Голо Канте (Фенербахче), Ману Коне (Рома), Адриен Рабио (Милан), Орелиен Чуамени (Реал Мадрид), Варан Заир-Емери (Пари Сен Жермен)
НАПАД: Килијан Мбапе (Реал Мадрид, капитен), Усман Дембеле (Пари Сен Жермен), Михаел Олисех (Баерн), Дезире Ду (Пари Сен Жермен), Бредли Баркола (Пари Сен Жермен), Рајан Черки (Манчестер Сити), Маркус Турам (Јувентус), Манес Ахил (Монако), Жан-Филип Матета (Кристал Палас)
Како што се очекуваше, повредениот напаѓач на Ливерпул, Уго Екитике, не е на списокот, но многумина беа изненадени од отсуството на играчот од средниот ред на Реал Мадрид, Едуардо Камавинга.
Селекторот Дидие Дешан се огласи по повод настанот.
„Зошто Камавинга не е на списокот? Тој доаѓа по тешка сезона, каде што не играше многу, со многу повреди. Тој е сè уште млад. Морав да направам избори, за списокот да биде структуриран.“
Медиумите исто така забележуваат дека недостасуваат и Кефран Тирам (Јувентус), Корентин Толис (Олимпик Лион), Рандал Коло Муни (Јувентус/Тотенхем), Ели Жуниор Крупи (Борнмут), Лук Шевалие (Пари Сен Жермен), Флоријан Товен (Ленс), Естебан Лепол (Рен), Пјер Калулу (Јувентус).
Единствените изненадувања на списокот се дуото на Кристал Палас, Лакроа и Матета.
Франција е еден од фаворитите за освојување на титулата. На почетокот на турнирот, тие се во групата I заедно со Сенегал, Норвешка и Ирак.
Светското првенство започнува на 11 јули и ќе трае до 19 јули.
🚨 OFFICIAL: France World Cup final squad. 🇫🇷
Any changes you’d make? 🏆👀 pic.twitter.com/46f3BD3AoN
— Fabrizio Romano (@FabrizioRomano) May 14, 2026
