📸Извлечени двојките за осминафиналето на Лигата на шампионите: Реал и Сити во ново европско „класико“

Паровите од осминафиналето на Лигата на шампионите беа извлечени во Нион, Швајцарија, а целиот распоред до крајот на натпреварувањето веќе е познат, односно кој со кого ќе се вкрсти до самото финале.

Легендарниот хрватски фудбалер Иван Ракитиќ ги извлече паровите, а интересно е што Англија стигна до осминафиналето на Лигата на шампионите со рекордни шест екипи, што зборува за доминацијата на Премиер лигата над другите лиги.

Апсолутното дерби ќе го играат Манчестер Сити и Реал Мадрид, екипи чии дуели станаа редовни во последните години во Лигата на шампионите.

Парови од осминафиналето:

Манчестер Сити – Реал Мадрид
Бодо Глимт – Спортинг Лисабон
ПСЖ – Челзи
Њукасл – Барселона
Галатасарај – Ливерпул
Атлетико Мадрид – Тотенхем
Аталанта – Баерн
Леверкузен – Арсенал

Распоредот до крајот на натпреварувањето покажува дека Арсенал „се снајде“ најдобро. По Леверкузен во осминафиналето, Арсенал ќе се соочи со победникот од двомечот меѓу Бодо Глимт и Спортинг Лисабон, па „топџиите“ не би требало да имаат проблем да се пласираат во полуфиналето.

Првите натпревари од осминафиналето ќе се играат на 10 и 11 март, а реваншите една недела подоцна. УЕФА ќе ги објави датумите на секој натпревар подоцна, но тоа сè уште не е утврдено.