Судбината на Арне Слот е една од омилените теми на англиските медиуми речиси цела сезона. Обично се базира исклучиво на резултатите, а генерално никогаш на околностите што доведоа до тие резултати. Оправдано по некои натпревари, но присутно дури и кога нема причина за таква приказна.
Џејми Карагер е еден од оние што доста често се занимаваат со оваа тема. Поранешниот играч на „Енфилд“ вели дека слушнал дека Слот ќе остане во клубот ако Ливерпул обезбеди место во Лигата на шампионите следната сезона.
И тој не е првиот што го слуша тоа, точно истото беше напишано пред неколку месеци.
Но, по победата на Ливерпул на гостувањето кај Евертон, иднината на Слот повторно беше тема.
„Иднината на Арне Слот како менаџер на Ливерпул беше тема на дискусија цела сезона. Разговаравме многу за тоа во оваа емисија (Monday Night Football на Sky Sports – н.з.). Веројатно постои несогласување меѓу навивачите на Ливерпул околу тоа дали треба да си оди или да остане. Но, гласините што стигнаа до мене се дека Слот ќе биде менаџер на Ливерпул следната година ако се квалификуваат за Лигата на шампионите, и тоа е она што ќе се случи“, рече Карагер.
