Жалбата на англискиот второлигаш и поранешен шампион на Премиер лигата, Лестер, е одбиена, а казната од шест бода за кршење на финансиските прописи е потврдена.
Независниот одбор за жалби ја потврди претходната препорака од независна комисија дека „лисиците“ ќе бидат казнети за кршење на правилата на EFL за профит и одржливост на бизнисот во текот на сезоната 2023/24.
Лестер се лизна во зоната за испаѓање откако им беа одземени бодови на пет кола до крајот на Чемпионшип.
Пред десет години, клубот од „Кинг Пауер“ стадионот сензационално ја освои Премиер лигата за прв пат во својата историја и ќе се бори напорно до крајот на сезоната за да избегне испаѓање во трета лига следната сезона.
Лестер моментално е на 22-то место и е во зоната за испаѓање, заедно со Оксфорд и Шефилд Венздеј. Претходно, клубот од Шефилд беше казнет со дури 18 бода, а моментално има минус пет бода.
Првите клубови пред „лисиците“ на табелата се Портсмут со бод повеќе и Вест Бромвич кој има четири бода повеќе.
