Англискиот напаѓач Хари Кејн зборуваше за своето искуство од играњето голф со американскиот претседател Доналд Трамп. Самиот Трамп претходно ја спомена нивната средба.
„Играв голф со Кејн, навистина уживав. Тој е одличен фудбалер, а игра и одличен голф“, откри шефот на американската држава.
„Искрено, играв добро. Беше пред околу 18 месеци. Ме покани да играм кога бев во Палм Бич“, потврди напаѓачот.
„Кога претседател ќе те покани некаде… Беше доста извонредно искуство да се сретнеш со него и да играм голф. Морам да кажам дека Доналд игра многу добро. Се надевам дека ќе можам да играм голф исто толку добро како него кога ќе стигнам до неговите години“, додаде Кејн.
„Беше уникатно искуство. Благодарен сум што ме покани да играм“, заклучи англискиот репрезентативец.
