Нико Ковач испиша историја за Борусија Дортмунд. Во саботата, тој го предводеше германскиот гигант против Хофенхајм по 50-ти пат во Бундеслигата, а со победата од 3-2, тој стана најуспешниот тренер во историјата на клубот по првите 50 лигашки натпревари, се пофали самиот клуб.
Настапот на Ковач е навистина импресивен. На 50 натпревари во Бундеслигата на клупата на Дортмунд, тој забележа 33 победи, осум нерешени и девет порази, што му носи 107 освоени поени и просек од 2,14 поени по натпревар.
Ниту еден од многуте одлични тренери кои ја воделе Борусија немал толку добри први 50 лигашки натпревари. Ковач ги остави зад себе Томас Тухел (просек 2,09), Лусиен Фавр (2,08), Марко Росе (2,03), Јирген Клоп (1,91) и Отмар Хицфелд (1,86).
Дортмунд со тоа го продолжи својот одличен почеток на новата сезона. Во првото коло го победија Хамбургер со 2-0, а по триумфот кај Хофенхајм имаат максимални шест бода.
Ковач ја презеде Борусија на почетокот на 2025 година, а сега има доволно голем примерок на натпревари зад себе за да се спореди со некои од најважните тренери во историјата на клубот. Особено се издвојува Јирген Клоп, кој го водеше Дортмунд од 2008 до 2015 година и со него освои две Бундеслиги, Купот на Германија и играше во финалето на Лигата на шампионите.
