Новак Ѓоковиќ нема да биде меѓу првите десет тенисери во светот за прв пат по повеќе од осум години, а неговиот пад на АТП ранг-листата би можел да биде уште поголем до крајот на Отвореното првенство на САД. Српскиот ас ќе биде надвор од Топ 10 на листата објавена на 14 септември.
Последен пат таква ситуација се случи на 15 јули 2018 година, кога беше рангиран на 21-то место во светот поради проблеми со лактот и операција.
Еден од тенисерите кој би можел дополнително да ја искомплицира неговата ситуација е Франсес Тијафо. Доколку Американецот продолжи да бележи победи на Отвореното првенство на САД, Ѓоковиќ би можел да претрпи поголем пад.
Сепак, опасноста за српскиот тенисер не доаѓа само од Тијафо. До крајот на годината, Лернер Тиен, Јакуб Меншик, Рафаел Ходор, Александар Бублик, Каспер Руд и неколку други играчи би можеле да се борат за неговата позиција на АТП ранг-листата.
