Раководството на Кристал Палас очекува одговор од Андони Ираола до крајот на неделата, тврди Би-Би-Си. Вчерашниот триумф на лондонскиот тим во Конференциската лига беше последниот натпревар во кој тимот го водеше Оливер Гласнер. Уште во јануари, Австриецот објави дека ќе замине по завршувањето на сезоната, а откако стана јасно дека Ираола се разделува и со Борнмут, од „Селхерст Парк“ го идентификуваа Баскиецот како свој главен фаворит за позицијата.
Сепак, во последните денови, Милан се вклучи во битката за Ираола, кого го сакаат за наследник на Алегри.
Според Би-Би-Си, Кристал Палас ќе премине на план „Б“ доколку добие негативен одговор од Ираола. Станува збор за менаџерот на Ковентри Сити, Френк Лампард. Сепак, тој има договор со својот сегашен клуб, кој го врати во Премиер лигата по 25 години чекање.
Се дискутираа и за неколку други имиња – Киран Мекена, Шон Дајш, Томас Франк и Пјер Сејџ.
