Легендата на Атлетико Мадрид, Филипе Луис, е голем фаворит да стане нов тренер на Баер Леверкузен, објави Флоријан Плетенберг.
Клубот има и други опции, вклучувајќи го и Андони Ираола, но токму Бразилецот има најголеми шанси да го наследи Каспер Хилманд.
Идејата на „аспирините“ е прво да постигнат договор со идниот тренер, а потоа да го објават разделувањето од данскиот стручњак.
Од друга страна, 40-годишниот Луис досега водеше само еден тим – Фламенго, со кого освои голем број трофеи помеѓу септември 2024 и март 2026 година, вклучувајќи го Копа Либертадорес, бразилската титула и Купот на земјата.
