Репрезентација на Македонија вечерва ги доби ривалите во новото издание на Лигата на нациите 2026/27, во која фудбалерите ќе играат во Б-групата.
На ждрепката која се одржа во Брисел, „црвено-жолтите“ се најдоа во четвртиот шешир, а за ривали ги добија селекциите на Шкотска, Швајцарија и Словенија.
За прв пат во историјата Македонија е дел од Б конкуренцијата и во втората половина од 2026 година ќе одигра шест натпревари со исклучително квалитетни селекции од Стариот континент.
Македонската репрезентација како дебитант беше поставена во четвртиот сад заедно со селекциите на Шведска, Северна Ирска и Косово кои во овој сегмент од натпреварувањето влегоа како победници во Ц лигата.
