Јувентус достави официјална понуда до Манчестер Јунајтед за Џошуа Зиркзе, според експертот за трансфери Џанлука Ди Марцио. Понудата на „бјанконерите“ е во вредност од 2,5 милиони евра за изнајмување на играчот за тековната сезона и вклучува опционална откупна клаузула од 30 милиони евра на крајот од кампањата.
„Олд Трафорд“ постави цена од 35 милиони евра за Холанѓанецот, со што разликата меѓу двете страни се намалува и се очекува двете страни на крајот да постигнат договор.
Ситуацијата ја комплицира желбата на „Црвените ѓаволи“ да обезбедат замена за Зиркзе пред конечно да кажат „да“ на договорот со Јувентус.
Во последните неколку часа се споменуваат различни опции како можни замени, а едно од имињата е она на Александар Серло од Атлетико Мадрид.
Холандскиот напаѓач беше баран од Фиорентина, но на крајот преговорите со „виолетовите“ пропаднаа токму затоа што тој ја претпочиташе понудата на Јувентус.
